Aye Hussain Ki Pyari Aye Sakina Jaan Bibi
Margayi Jo Zindaa'n Me Shaahe Dee'n Ki Dukhtar
Bekasou'n Ke Rone Se Qaid Me Huwa Mahshar
Lash Par Sakina Ki Karti Thi Fughaa'n Madar
Saath ChodKar Mera Tum Gaee'n Kahaa'n Bibi
Aye Hussain Ki Pyari Aye Sakina Jaan Bibi
Aaj Shab Ki Tariki Badh Gayi Hai Zindaa'n Me
Bebasi Udaasi Hai Bekasi Hai Zindaa'n Me
Tum Jo Ab Nahi Roti Khamushi Hai Zindaa'n Me
Sogwaar Baithi Hai'n Saari Bibiyaa'n Bibi
Aye Hussain Ki Pyari Aye Sakina Jaan Bibi
Karbala Ke Maidaa'n Me Mujh Se Chut Gaya Asghar
Tum Se Hi Bahalta Tha Ye Mera Dile Muztar
Kitni Be Sahara Hoo'n Mai Ye Sochthi Dilbar
Tum Se Chut Ke Zindaa'n Me Kya Jiyegi Ye Maa'n Bibi
Aye Hussain Ki Pyari Aye Sakina Jaan Bibi
Hogaya Kafan Bibi Ye Phata Huwa Kurta
Saaf Bhi Na Ho Paya Kab Se Khoon Kanou'n Ka
Hai Yaqee'n Khafa Honge Haal Dekh Kar Baba
Jaake Mat Gila Karna Baap Se Wahaa'n Bibi
Aye Hussain Ki Pyari Aye Sakina Jaan Bibi
Kaan Se Chine Gouhar Aur Jal Gaya Kurta
Dono Gaal Zakhmi Hai'n Pusht Par Laga Durra
Dekhti Rahi Bebas Maa Bahot Hai Sharminda
Maa Ke Samne Khaai Tum Ne Sailiyaa'n Bibi Aye Hussain Ki Pyari Aye Sakina Jaan Bibi
Ghar Udaj Gaya Mera Qatl Hogaye Baba Karbala Se Laai Hoo'n Dil Pe Daagh Asghar Ka Ab To Dil Ki Har Hasrat Thi Tumhi Se Wabasta Kar Gayi Mere Armaa'n Khaak Me Nehaa'n Bibi
Aye Hussain Ki Pyari Aye Sakina Jaan Bibi
