Alweda Aye Hussain Aye Hussain Alweda
Alweda Aye Hussain Aye Hussain Alweda
Aye Rasoole Mukarram Ke Chain Alweda
Zeenate Do Jahaa'n Hai'n Tere Naqshe Paa
Tere Sajde Kiye Maghrabain Alweda
Majlise'n Teri Har Ghar Me Ho'n Jalwagar
Tujhko Roti Hai Dunya Hussain Alweda
Chandni Raat Par Murdani Chagayi
Khogaya Chand Tarou'n Ka Chain Alweda
Sar Khule Fatima Aarahi Hai'n Nazar
Ro Rahe Hai'n Shahe Mashraqain Alweda
Aaj Shaame Gharibaa'n Ke Hai'n Tazkere
Ab Bhi Royenge Hum Poori Rain Alweda
Hum Jiyenge To Agle Baras Royenge
Phir Se Hoga Yahi Shor-o- Shain Alweda
