kohraam mach gaya Noha Lyrics
alwida alwida
qaime may aake shah ne jab alwida kaha
kohraam mach gaya.... x2
tha jis ka intezar wo sa'ath qareeb hai
din dhal raha hai shame musibat qareeb hai
kuch dayr ki hai baat qayamat qareeb hai
zainab ghareeb bhai ki ruksat qareeb hai
ye keh ke maanga maa ka jo kurta sila hua
kohraam mach gaya...
kuch door hatke qaime may bole shahe zaman
zehmat na ho to baazu badhao zara behan
mai bosay loo wahan ke bandhegi jahan rasan
baazu badha ke roti thi hamsheer khastatan
bhai behan ke baazu ko jab choomne laga
kohraam mach gaya...
ye sunke binte fatema zehra tadap gayi
boli gala badhao bas ab jald ya aqi
amma ki baat aaj mujhe yaad aagayi
mai bosay loo wahan ke chalegi jahan churi
zainab ne badke chooma baradar ka jab gala
kohraam mach gaya...
beti se phir ye kehne laga fatema ka laal
rehna phupi ke paas rakhengi tera khayal
ghurbat hai tum phupi se na karna koi sawaal
warna tere padar ko bahot hoyega malaal
phir sar pe haath rakh ke jo dene dua
kohraam mach gaya...
beti ko jab supurde behan kar chuke imam
ro kar behan se kehne lage aasman maqam
jaana watan jo qaid se chutkar ay tishnaqam
kehna lehad pe maa ki mera aakhri salam
aaya jo lab pe fatema zehra ka tazkira
kohraam mach gaya....
abid se phir ye kehne lage shaahe karbala
bewao'n ka aur yateemon ka ab tum ho aasra
jo imtehan mera tha sab maine de diya
aage tera jihad hai bemaare karbala
bemaar beta baap se jis dam juda hua
kohraam mach gaya...
qaime se baahar aaye jo sultane karbala
sar ko jhukaye rota tha khud aspe bawafa
ab kis tarha sawaar ho zehra ka laadla
tanhai ke siwa koi yawar nahi bacha
jab suye nehr dekh ke ghazi ko di sada
kohraam mach gaya...
bhai ko tanha dekh ke zainab tadap gayi
roti hui hussain ke nazdeek aagayi
aur phir raqaab thaam ke boli ay shaahe deen
lo mai sawaar karti hoo abbas gar nahi
wayiz hua sawaar jo zehra ka laadla
kohraam mach gaya...
