Aye Shere Neyastaane Haidar Abbas
AYE SHERE NEYASTAANE HAIDAR ABBAS
DETI THI SADA ZAINAB ROKAR ABBAS
Kya isi din ke liye maangi thi Baba ne Dua
Aake pardes me hojaoge Tum Ham se juda
Sote ho chain se darya ke kinaare Bhayya
Kya sunaayi nahi’n deti Tumhe Halmin ki sada
Abbas Tanha hain Khade rann me Sarwar Abbas
Aye Shere Neyastaane Haidar Abbas
Gir ke ghode se sada Baap ko Akbar ne jo dee
Dilbar e Fatima Zehra ki ajab haalat thi
Haath malte the kabhi ghaath ko takte kabhi
Thaam kar tooti kamar kehte the Farzande Nabi
Abbas Laau’n kaise Laashe Akbar Abbas
Aye Shere Neyastaane Haidar Abbas
Haal Shabbir ka ab to nahi dekha jaata
Hai kamar kham nahi’n aankhon se sujhaai deta
Ye zaeefi ye jawa’n Laal ka sadma Bhayya
Thaam lo badh ke zara haath tumhi Bhai ka
Abbas Khaate Hain thokar par thokar Abbas
Aye Shere Neyastaane Haidar Abbas
Kya isi din ke liye saath behen thi aayi
Aagayi neend jo darya ki taraayi paayi
Phir palat kar Hame surat bhi nahi dikhlaayi
Aagaya ran se Alam tum nahi’n aaye Bhai
Abbas Phat’ta hai Mera sadme se jigar Abbas
Aye Shere Neyastaane Haidar Abbas
Aye Mere Shair e Jawan Aye Mere Bhai Ho Kahan
Shaaq hai dil pa tumhaari ye judaai Ho Kahan
Dair se Deti hu’n Bhayya me Duhaayi Ho Kahan
Lut’ti hai Fatima Zehra ki Kamaayi Ho Kahan
Abbas Khanjar hai Halqe Sarwar par Abbas
Aye Shere Neyastaane Haidar Abbas
Koi pursaa’n nahi’n haalat hai ajab bachhon ki
Taaziaane koi khaata hai tamaache koi
Aag daaman me hai Maasoom Sakina ke lagi
Abbas Bhayya Utho Lo jald khabar Abbas
Aye Shere Neyastaane Haidar Abbas
Azmat o Izzat e Saadaat bhuladi Bhai
Aag Khaimo’n me laeeno’n ne lagadi Bhai
Masnad e Ahmed Mursal bhi jaladi Bhai
Tauq o Zanjeer bhi Aabid ko pinhadi Bhai
Abbas Ghash me hai Pada Mera Dilbar Abbas
Aye Shere Neyastaane Haidar Abbas
Bhai ko bhool gaye dhayaan na behnon ka raha
Yaad aaya na koi paayi jo Darya ki hawa
Haaye Kis dil se kiya tum nei gawaraa Bhaaya
Har tamaache pa Sakina ne Tumhein yaad kiya
Abbas Jab chheene gaye Kaano se Guhar Abbas
Aye Shere Neyastaane Haidar Abbas
Chhor kar Dasht e Musibat me Bahan ko Bhai
Tum ne achha hi kiya door basaayi basti
Dekh sakte the kahan Tum jo hai haalat Meri
Balwa’e Aam me Bhayya Main Khule Sar Hu’n Khadi
Abbas Aada legaye Sar se Chaadar Abbas
Aye Shere Neyastaane Haidar Abbas
