Jab Rida Sar se chini Main sada deti rahi Noha Lyrics

Haye Abbas, Haye Abbas 

Aale Imran Kahan, Aur Zindan Kahan, Lye Behan Qaid Hui,

Tu Na Aya Ghazi 

Jab Rida Sar se chini, Main sada deti rahi

Tu Na Aya Ghazi 

Aa gyi Shaam e Alam, Lut Gaye ahle Haram 

Rait Pr Jalti Hui, Ho gaya Thanda Alam 

Pursa Denay Ke Liye, Mujh se Milne Ke Liye 

Aa gye Baba Ali(as), Tu Na Aya Ghazi 

Dhoop Main Tu Tha Shajar, Tujhse Aabad Tha Ghar 

Hai Barehna Mera Sar, Kya Nahi Tujh Ko Khabar 

Aye Alamdar e Wafa, is Behan Ko Ba Khuda 

Tujhse Dharas Thi Bari, Tu Na Aya Ghazi

Kya Kahun Sher Mere, Be Rida Hum Ko Liye 

Ye Musalman Sare, Shehr Dar Shehr Gaye 

Khilqate Kufa Kabhi, Khilqate Sham Kabhi 

Baraha Hum Pe Hansi, Tu Na Aya Ghazi

Kitni Bebas Thi Behan, Aye Shehanshah e Wafa 

Naam Le Le Ke Mera, Jab Ye Zaalim Ne Kaha 

Naz Tha Jis Pe Tujhe, Ab Bulao Na Use 

Aur Main Roti Rahi, Tu Na Aya Ghazi

Hum Ko Pani Na Mile Teri Khushboo To Rahe 

Tere Baazu Na Katain, Chahe Mashkeeza Chide 

Ye Magar Ho Na Saka Tere Baazu Hain Juda 

Mujh Pe Hai Tashna Labi, Tu Na Aya Ghazi

Kya Sakina Se Kahun, Aye Mere Dil Ke Sukoon 

Haye Pani Ke Liye, Beh Gaya Sub Tera Khoon 

Abb Koi Aas Nahi, Tou Mere Pass Nahi 

Rassi Shanoon Main Bandhi, Tu Na Aya Ghazi

Jab Chali Sheh Pe Churi, Aye Mere Sher e Jari 

Hath Malti Thi Behan, Kuch Qadam Dur Khari 

Kat Gaya Sheh Ka Gala, Haye Bhai Ne Sada 

tujhko Har Zarb Pe Di, Tu Na Aya Ghazi

Qaid Khane Main Qaza, Jab Sakina Ko Mili 

De Ke Kurtay Ka Kafan, Bacchi Dafnaye Gayi 

Us Ghari Naam Tera, Surat e Naad e Ali 

Bas Main Dohrati Rahi, Tu Na Aya Ghazi